執教1,000場，638場勝仗，兩屆歐聯冠軍，八屆聯賽冠軍，一共25個獎盃！
轉自 @足球港場
摩連奴 曼聯 第 一個冠軍 在 Facebook 的最讚貼文
「摩連奴 曼聯 第 一個冠軍」的推薦目錄：
- 關於摩連奴 曼聯 第 一個冠軍 在 Facebook 的最讚貼文
- 關於摩連奴 曼聯 第 一個冠軍 在 君子馬蘭頭 - Ivan Li 李聲揚 Facebook 的最佳解答
- 關於摩連奴 曼聯 第 一個冠軍 在 Mr. Business Facebook 的精選貼文
- 關於摩連奴 曼聯 第 一個冠軍 在 足球快報FootballExp - 摩連奴緣盡皇馬，下一站車 ... - Facebook 的評價
- 關於摩連奴 曼聯 第 一個冠軍 在 摩連奴曼聯第一個冠軍的推薦與評價，FACEBOOK 的評價
- 關於摩連奴 曼聯 第 一個冠軍 在 【曼事隨談】摩連奴攞盡冠軍，但EQ太低注定無法 ... - YouTube 的評價
摩連奴 曼聯 第 一個冠軍 在 君子馬蘭頭 - Ivan Li 李聲揚 Facebook 的最佳解答
歐洲球會人工 vs 戰績：廢老指點江山篇
版務：事忙兼搞緊Patreon，出住呢啲儲稿先，咁啱歐聯又重開。圖就睇medium 版吧 （https://bit.ly/30z4hko）
1. 呢篇係上一篇嘅延續，未睇可睇（https://bit.ly/2ZXGtFC）。繼續講歐洲球會收入，同歐洲賽戰績。
2. 收入就跟Deloitte Money League（https://bit.ly/2ZksWc4），年年公佈，30間最高收入球會。有話可能睇開支或人工會好啲，但上次篇文都講過，唔同球會wage to income 唔同，賴搵。而有咗FFP後，球會開支大約都要跟返收入，不能不停年年見紅蝕住做（＊）。戰績跟UEFA Coefficient五年總數（https://bit.ly/3em7Y0H），應該冇乜更好嘅量度。
3. 再講一次，基本上都係有錢有戰績：唔使講李斯特城拎英超或鄧小平好長命嘅例外。歐聯冠軍，近九屆年都係十大富豪球會（今年收入計）拎。點解係九屆？因為2010係國際米蘭拎，國米而家唔係十大富豪，但當年就仲係！如果你係計 「當年」收入，就真係N咁多年都係十大富豪包辦冠亞軍。例外要數到2003-2004年波圖對摩納哥，最後一次嘅非富豪足球，亦有啲人話最低質嘅一屆，任你。即使唔講冠軍，睇系數，上次篇文都見到，有錢有戰績。
4. 德甲法甲意甲一隊獨大，都係因為錢：你睇國內聯賽，更加明顯。點解德甲年年拜仁，法由年年PSG，意甲年年祖雲達斯，西甲就皇馬巴塞？因為收入拋離國內其他球會太多。英超相對地好啲，但亦根本係反映返財富分佈—迫悉匙個名點嚟？係收入拋離晒其他。你見呢六隊波基本上包辦近N季頭六咁滯。亦因為咁，李斯特城捧到盃先係一時佳話。
5. 收入同戰績當然互為影響，但主要都係收入係原因：當然有趣嘅係，你可以話掉轉亦得。上次篇文話你知相關性好強，但的確不一代係有錢就帶嚟績，可能係有戰績自然吸到錢亦得。例如你見李城特城，捧完盃，又有歐聯踢，又自然多咗錢。可以話雞先蛋先，但主要都係先有收入，再有戰績，然後又有收入—其實同個社會差不多，富者越富咁。
6. 有錢有傳統，就冇戰績都搞到有：因為你就算有戰績帶到收入有歐洲賽踢，往往啲主力又會走，打後戰績又打回原型。掉轉，有錢嘅，幾屆冇戰績，都可以撥亂反正。例子係曼聯，你見過去幾季戰績差到一個點，但主要有錢，慢慢就走返上正軌。某程度上再睇遠少少嘅利物浦都係。呢啲傳統大會，頹幾季都好，唔會一沉不起（但意甲嘅就會，因為本身都冇乜錢）
7. 上次篇文都講過呢啲，咁今次做乜？上次有講，系數用五年，但收入只係用一年，好似唔太好。咁幸好，收入用五年計都唔難。今次就用五年比。系數就一定用五年了，用一年會好大上大落。另外留意，我飛起咗愛華頓同韋斯咸，佢地收入在拿坡里同里昂中間，但歐洲賽系數太低（幾分），放落圖會扭曲晒
8. 大球會錢就一切，細球會反而有得走盞：樓上個圖，哥林（Column）J係球會嘅五年平均收入。P係平均收入排名，Q係系數排名。差不多已經解晒。你睇最頭嗰堆，兩個排名差不多一樣。明顯差嘅係曼聯車路士，曼聯不用多講，收入第三，戰績第九。車路士其實都幾差下，但主要因為有一季冇歐洲賽。利物浦嘅情況相反，睇好似冇乜特別，但其實有一季冇歐洲賽，否則個分更高。跑出嘅，祖雲達斯同馬體會，後者好多人都知，前者其實唔係你想像中咁富豪。在意甲梗係勁，但出去同歐洲頂級比，唔係好多錢。但留意後面堆細啲嘅會就排名同系數差別大啲。
9. 以下係結論。樓下呢三個表，我會再不停引用，自己Save 低
10. 仲係有錢有戰績，而用5年平均收入解，反而冇咁好：今次呢個圖，同上次差不多玩法。但用嘅唔係今年收入，係過去5年平均收入。見到乜？見到個R^2，係低咗嘅，即係條線fit得差咗，解釋能力差咗。同埋要講，個R^2雖然低咗，但只係爭少少，而亦只係50咁上下。人話講，即係$只能解釋一半，仲有一半畀你走位。相比之下，之前寫過，你見聯賽，$佔因素多。亦不難解釋，首先聯賽踢咁多場，大把空間犯錯，歐聯你一兩個錯誤可以死人。當然仲有，歐聯最有錢果班球會，佢地之間相對地收入冇爭咁遠。
11. 前列冇得爭，打後仲可以爭下：你睇返，條線在右上方，係比較靚嘅。咩巴塞曼城PSG利物浦熱刺都相差唔太遠。拜仁皇馬祖雲達斯巴塞算略為好睇，阿仙奴車路士略差，馬體會神奇超卓，祖雲達斯都勁，曼聯就失望。但去到左下，冇咁富有嘅細會，就可以爭好遠，有啲好似拿坡里里昂羅馬咁跑出，史浩克AC國米李斯特城都係幾差下。留意我仲要踢走咗韋斯咸愛華頓，否則仲誇張。
12. 收入增長勁就翻生：哥林H係過去5季嘅收入複合增長（2020收入/2016收入開四次方根再減1）。首先睇，頭22間夾埋，收入大約係9%一年增長，成個市場係咪增長好好見仁見智。另外見到，都係收入增長得勁，你見到戰績改善。當然亦係雞同蛋，但一般係有錢先有戰績。你見增長最勁果幾間，里昂唔熟，但拿坡里，國米（增長第一！），馬體會，熱刺（唔計今季啦下，上屆歐聯亞軍喎），利物浦，近年歐洲賽甚至聯賽都係改善不少嘅。當然史浩克就係有收入都冇戰績嘅，其實幾離譜下，收入德甲第三，同多蒙特唔爭好遠，但近年啲戰績差到一個點。巴塞就留畀你地評，講收入增長巴塞其實贏皇馬的。反例方面，收入增長最慢嘅，阿仙奴，唔使我講啦。AC米蘭羅馬車路士歐戰都麻麻地，愛華頓就歐洲賽都冇乜點踢。例外可能係皇馬，收入增長遠遜其他球會，但戰績一樣勁。
13. 富豪一路都係富豪：留意今次個圖有少少唔同。上次我係搵歐洲系數最勁果廿間。今次呢？搵收入最勁嘅行先。咁上次都過會有乜問題：如果之前佢唔在榜上，咁點算？結果見到，個社會流動性，係好低的：今年最有錢嘅30間中，頭22間，5年前都在榜上！所以你見到啲小球會真係好難發圍。（睇表二就知）
14. 5年過去，收入排名分別冇乜變：另一角度，睇下上面個表，哥冧O，係2016收入排名（哥林N）同2020排名（哥林M）差距，分別不太大。升得多嘅，熱刺咯，所以今季摩連奴真係不知所謂的。國米拿坡里亦係升得多，近一兩季你見戰績強返（特別係國米）。跌得多嘅，AC米蘭咯，你見近年完全唔掂，阿仙奴咯，所以其實根本就冇乜錢，唔易入前四的。
15. 結論：富豪就係富豪，好少會再向下流，但你確保唔好做AC米蘭（或阿仙奴）。下篇會講下啲20位開外嘅球會，可能仲過癮。
（＊）寫果時仲未有曼城判決，而家當然得啖笑
摩連奴 曼聯 第 一個冠軍 在 Mr. Business Facebook 的精選貼文
【成日俾人炒又如何？大把公司請的員工】
嗯，又係佢，摩連奴回歸英超，今次執教熱刺。
要數當今球壇最具名氣領隊，摩佬真係數一數二。一頭白髮、憂鬱眼神、唏噓鬚根，如荷里活老牌影星的外表，加上狂妄自大個性，一舉手一投足，每句話都充滿挑釁性，只要有「串王」出現，記者不愁沒有話題。
點解會叫「串王」？全因串得起，摩連奴成名於帶領一支二三線球隊走上歐洲之巔。在02/03賽季，名不見經傳的摩連奴執教葡萄牙聯賽球隊波圖，在第一球季，已經奪得葡萄牙足球超級聯賽冠軍、葡萄牙杯冠軍和歐洲足協盃冠軍。到第二季，摩連奴更加帶領波圖過關斬將，打敗眾多豪門強隊，贏得全世界最高素質及水平的歐洲聯賽冠軍盃，堪稱奇蹟之旅。摩連奴，正式聲震歐洲。
摩連奴從此仕途平步青雲，先後出任過車路士、國際米蘭、皇家馬德里、曼聯四支強隊領隊一職。到目前為止，在其領隊生涯暫時已奪8次聯賽冠軍、2次歐洲聯賽冠軍盃冠軍等總共25個冠軍寶座，領軍成績非常靚仔。
如果你係公司老細，見到摩連奴份CV，流晒口水拍板直情好正常。不過等等先，摩連奴雖然戰績彪炳，但最後好多時都同東家搞到不歡而散，最經典莫過於「三年魔咒」。話說摩連奴第一次擔任車路士領隊，第三年被炒；之後去到國際米蘭任教，三年後離開；轉去皇家馬德里，三年後被炒；2013年重返車路士，第三年又被炒；加盟曼聯，同樣第三年再被炒。只要三年時間，球隊必定四分五裂，非常邪門。
根據過往歷史，摩連奴執教球隊循環時序如下：
執教球隊>>買大牌球員>>球隊重振雄風>>贏得錦標>>戰術被對手睇通>>更衣室內亂>>同大牌球員不和>>球隊士氣低落>>成績下滑>>被炒
打工仔俾公司炒，當然心有不甘，但分手費好似摩連奴咁多，悲傷中都帶點幸福感。就以曼聯炒魷魚為例，摩連奴解約金足足有2.2億港元…咁多壞先例，熱刺班主仍然敢用摩連奴，全因球隊已十年無冠落袋，恨拎冠軍恨到發燒。不過留意返，原來魔鬼在合約細節，任期剛剛好3年半，就算魔咒再現，到時大可和平分手，慳返巨額分手費。如果想球隊成績收到立竿見影效果，請摩連奴無疑係一個不錯交易。熱刺班主，你都幾識計數！
摩連奴 曼聯 第 一個冠軍 在 【曼事隨談】摩連奴攞盡冠軍，但EQ太低注定無法 ... - YouTube 的推薦與評價
【曼事隨談】 摩連奴 攞盡 冠軍 ，但EQ太低注定無法比肩費Sir，總結前任死因 ... 【施丹仔將轉投烏德勒支】 曼聯 今夏 第 一單賣人，竟然係小將施丹伊巴，係 ... ... <看更多>
摩連奴 曼聯 第 一個冠軍 在 足球快報FootballExp - 摩連奴緣盡皇馬，下一站車 ... - Facebook 的推薦與評價
2004年3月，摩連奴第一次令全世界的人所認識，波圖以總比數3比2，撃敗了由費格遜帶領的曼聯，當中最令人難忘的就是摩連奴瘋狂地衝向球員慶祝的一幕，沒有 ... ... <看更多>